الطريق المهجور

تـخوفني مـشاوير الـطريق المظلم المهجور
والـيامني ذكـرتك قـلت طـولي يامشاويري

عـزاي انك رجاي العذب لو كل الدروب عثور
وصلت اوماوصلت اعرفك ما انته منتظر غيري

حـبيبي ،وكـل الله لاتـحسب إنـي بليد شعور
لو انت المستحيل الصعب ، ماابدي لك معاذيري

احـبك ،رغـم تـجريح الـليال لقلبي المقهور
اشـوف الجرح يكبر وانت تكبر وسط تفكيري

احـبك ، لو يموت الحب وتصير القلوب قبور
احـبك كـلمة لـو حـرموها ، حـل تفكيري

احـبك مـن هـنا حتى طلوع الفجر ،حد النور
صـحيح انـك قدر محتوم بس اجمل مقاديري

بـعذر الـلي يحبك لو يصير الشاعر المشهور
لأنـك تـنهمر حـلو الـقصيده فـي تعابيري

احـد ربـي يـحطك له حبيب ،ومايجيه غرور
وانـا مـهما بـغيت اسـتوعبك يـاقل تقديري

أثـر صـدق الغلا يجبر حطام الخاطر المكسور
وانـا مـهما منحتك من غلاي اشعر بتقصيري

ولـو طـالت مـشاوير الطريق المظلم المهجور
انـا لامـن ذكـرتك قـلت،احبك يـامشاويري

مساعد الرشيد